Psa 94 | LXX | STEP | Ψαλμὸς τῷ Δαυιδ, τετράδι σαββάτων. ὁ θεὸς ἐκδικήσεων κύριος, Ὁ θεὸς ἐκδικήσεων ἐπαρρησιάσατο.

Psalms 94

1 ^{▼▼LXX: Psa.93:1}Ψαλμὸς τῷ Δαυιδ, τετράδι σαββάτων. ὁ θεὸς ἐκδικήσεων κύριος, Ὁ θεὸς ἐκδικήσεων ἐπαρρησιάσατο. 2 ^{▼▼LXX: Psa.93:2}ὑψώθητι, ὁ κρίνων τὴν γῆν, ἀπόδος ἀνταπόδοσιν τοῖς ὑπερηφάνοις. 3 ^{▼▼LXX: Psa.93:3}ἕως πότε ἁμαρτωλοί, κύριε, ἕως πότε ἁμαρτωλοὶ καυχήσονται, 4 ^{▼▼LXX: Psa.93:4}φθέγξονται καὶ λαλήσουσιν ἀδικίαν, λαλήσουσιν πάντες οἱ ἐργαζόμενοι τὴν ἀνομίαν; 5 ^{▼▼LXX: Psa.93:5}τὸν λαόν σου, κύριε, ἐταπείνωσαν καὶ τὴν κληρονομίαν σου ἐκάκωσαν 6 ^{▼▼LXX: Psa.93:6}χήραν καὶ προσήλυτον ἀπέκτειναν καὶ ὀρφανοὺς ἐφόνευσαν 7 ^{▼▼LXX: Psa.93:7}καὶ εἶπαν Οὐκ ὄψεται κύριος, οὐδὲ συνήσει ὁ θεὸς τοῦ Ιακωβ. 8 ^{▼▼LXX: Psa.93:8}σύνετε δή, ἄφρονες ἐν τῷ λαῷ, καί, μωροί, ποτὲ φρονήσατε. 9 ^{▼▼LXX: Psa.93:9}ὁ φυτεύσας τὸ οὖς οὐχὶ ἀκούει, ἢ ὁ πλάσας τὸν ὀφθαλμὸν οὐ κατανοεῖ; 10 ^{▼▼LXX: Psa.93:10}ὁ παιδεύων ἔθνη οὐχὶ ἐλέγξει, ὁ διδάσκων ἄνθρωπον γνῶσιν, 11 ^{▼▼LXX: Psa.93:11}κύριος γινώσκει τοὺς διαλογισμοὺς τῶν ἀνθρώπων ὅτι εισιν μάταιοι. 12 ^{▼▼LXX: Psa.93:12}μακάριος ἄνθρωπος, ὃν ἂν σὺ παιδεύσῃς, κύριε, καὶ ἐκ τοῦ νόμου σου διδάξῃς αὐτὸν 13 ^{▼▼LXX: Psa.93:13}τοῦ πραῦναι αὐτῷ ἀφ' ἡμερῶν πονηρῶν, ἕως οὗ ὀρυγῇ τῷ ἁμαρτωλῷ βόθρος. 14 ^{▼▼LXX: Psa.93:14}ὅτι οὐκ ἀπώσεται κύριος τὸν λαὸν αὐτοῦ καὶ τὴν κληρονομίαν αὐτοῦ οὐκ ἐγκαταλείψει, 15 ^{▼▼LXX: Psa.93:15}ἕως οὗ δικαιοσύνη ἐπιστρέψῃ εἰς κρίσιν καὶ ἐχόμενοι αὐτῆς πάντες οἱ εὐθεῖς τῇ καρδίᾳ. διάψαλμα. 16 ^{▼▼LXX: Psa.93:16}τίς ἀναστήσεταί μοι ἐπὶ πονηρευομένους, ἢ τίς συμπαραστήσεταί μοι ἐπὶ ἐργαζομένους τὴν ἀνομίαν; 17 ^{▼▼LXX: Psa.93:17}εἰ μὴ ὅτι κύριος ἐβοήθησέν μοι, παρὰ βραχὺ παρῴκησεν τῷ ᾅδῃ ἡ ψυχή μου. 18 ^{▼▼LXX: Psa.93:18}εἰ ἔλεγον Σεσάλευται ὁ πούς μου, τὸ ἔλεός σου, κύριε, βοηθεῖ μοι· 19 ^{▼▼LXX: Psa.93:19}κύριε, κατὰ τὸ πλῆθος τῶν ὀδυνῶν μου. ἐν τῇ καρδίᾳ μου αἱ παρακλήσεις σου ἠγάπησαν τὴν ψυχήν μου 20 ^{▼▼LXX: Psa.93:20}μὴ συμπροσέσται σοι θρόνος ἀνομίας, ὁ πλάσσων κόπον ἐπὶ προστάγματι; 21 ^{▼▼LXX: Psa.93:21}θηρεύσουσιν ἐπὶ ψυχὴν δικαίου καὶ αἷμα ἀθῷον καταδικάσονται. 22 ^{▼▼LXX: Psa.93:22}καὶ ἐγένετό μοι κύριος εἰς καταφυγὴν καὶ ὁ θεός μου· εἰς βοηθὸν ἐλπίδος μου 23 ^{▼▼LXX: Psa.93:23}καὶ ἀποδώσει αὐτοῖς τὴν ἀνομίαν αὐτῶν, καὶ κατὰ τὴν πονηρίαν αὐτῶν ἀφανιεῖ αὐτοὺς κύριος ὁ θεὸς ἡμῶν.